بدون إطاله وكلام كتير ....................
أنته ايه رأيك في المحاكمات العسكريه.. وهل بتختلف لما يكون اللي بيتحاكم شخص معروف .. او يكون ليك علاقه باللي بيتحاكم سواء علاقه قرابه أو صداقه .
لحد امته هنفضل نقوم نقوم وننزل على الفاضي .
هل كانت الحمله اللي شغاله من يوم استدعاء المجلس العسكرى لأسماء محفوظ كانت من أجل أسماء فقط أم من أجل كل شباب الثوره اللي بيتحاكمو عسكريا؟
طيب ايه الفرق بين واحد زي محمد عبدالغنى وأسماء محفوظ مثلا؟
طيب ليه المجلس العسكرى أفرج عن لؤي نجاتى وأسماء محفوظ فقط؟
لما طلعت أسماء محفوظ والأستاذ حسام عيسى على أون تى فى كان علشان خاطر أسماء بس ولا علشان كل اللى بيتحاكمو عسكريا؟
لما كتبت نواره نجم مقاله التوتيه القاتله ... كان لأجل أسماء محفوظ ولا لأجل كل اللي بيتحاكمو عسكريا؟
بيان الشيخ حازم صلاح ابو اسماعيل.. تضامن د/البرادعى .. مسانده د/عبدالمنعم أبو الفتوح .. كل ده علشان ايه؟
وهيا ان أسماء محفوظ ولؤي نجاتى مختلفين عن الناس المحبوسه كلها علشان هما معروفين وتربطهم علاقات بأشخاص لهم علاقات قويه .
يعنى من الاخر لو كان اتقبض عليهم أيام حسنى مبارك كانو برضو هيخدو افراج .
آسف أنى أقولها : بس دى فعلا ثوره أونطه ..
للاسف كله قعد يقول ثوره ...... واكتشفنا ان الثوره فى الاخر طلعت مجرد اشتغاله صوره لحسنى مبارك في قفص وابنه يعملنا علامه النصر وهوا خارج .
