بسم الله الرحمن الرحيم
بكل صراحه انا طلع ميتيني علي ما عملت المدونه دي ولسه مش عارف هنشرها زي لحد الوقتي لما ابقي اخلص اكتبها ابقي شوف هعمل ايه في الموضوع ده .
وبصراحه انا عمري ما قرات اي تدوينه لاخرها ولا مره علشان بيقبوا طوال اوي وانا مرارتي بتتفقع في الاخر.
المهم بقي انا عملت المدونه دي ليه؟
بصراحه كدا الثوره المصريه دي ثوره تنقط وانا مش عارف اتكلم مع اي حد من اللي حوليا لأن الشعب المصري ده شعب للاسف اني اقولها في ناس كتير بتتكيف اما تتضرب بالجزمه من واحد عنده 80 سنه مثلا بس متسمعش واحد عنده 20 سنه بيتكلم
فعمري ما عرفت اقول رايي في اي حاجه للاخر الا علي النت لاني بكتب اللي انا عايزه مره واحده وبعد كده اللي عايز يرد عليه يرد واللي مش عايز يرد يخفي.
انا بقي مشكلتي اللي انا عايز اقولها ان انا حاسس ان الثوره دي مجتش علينا باي فائده لحد دلوقتي بالعكس خدت مننا شباب زي الورد الله يرحمهم علشان نقعد كام جحش يحكمو زيهم زي الجحش اللي قبلهم بالظبط نفس الفكر ونفس المله كلهم في الاول عسكر مش بيقبلو اي حد يتكلم عليهم وبعد كدا يقعدوا شويه بنيه سلميه فلما يلقو كل الناس خايفه منهم علشان هما بيلجمو اي حد يتكلم اول باأول تحللهم القعده ونقعد 30 سنه علشان نمشي امهم تاني طبعا في ناس كتير هتقول الثوره حققت انجازات كتير هقولهم البسو علشان خرجين قولي ليه بقي
اقولك انا اول حاجه المجلس اللي بيحكم ده دلوقتي في ايده كل حاجه هو السلطه التشريعيه والتنفذيه وخط الدفاع الاخير وكل الحاجات دي فبالتالي 85% من الشعب المصري بيأيدهوم المشكله انا هما اكتر ناس متضرورين من الثوره دي لاسباب كتير جدا زي ان هما بيقعدول في الجيش لحد المعاش يخلص معاش بدل ما يشغلو واحد شباب يعينهم حسني مبارك سفراء ومحافظين ورؤساء هيئات وقطاعات ويقعدول يلمو في فلوس وولادهم بيطلعو يخشو الكليات العسكريه من بعدهم بالواسطه فبالتالي لو حققنا المساواه هيجي لواء الجيش ده اما يطلع علي المعاش يقعد في البيت ومش هيلاقي حد يشخط وينطر ويبهدل فيه علشان هو بقي بلامؤاخذه صايع ............................
مشكلتي بجد اني مش حاسس ان المجلس العسكري عايز يغير مصر للاحسن لان كل تصرفاتهم مفيش فيها اي دليل ان هما مؤمنين بالثوره اللي حصلت دي ولا هما عايزينها اساسا هيا كانت الامور ايام حسني مبارك علي هواهم يعني هما جابوا عصام شرف وغيروا المحافظين وعملوا حاجات كتير بس المشكله ان كل الناس دي مفيش في ايديها اي سلطه والمجلس مبلطج علي كل السلطات هما بيسبولنا عصام شرف يطلع يقول واحد صاحب ابني كلمني وقالي انا ولعتلك شمعه والكلام الجميل اللي مفيش منه فائده ده وهما يطلعوا القرارت اللي علي مزاجهم ويعينوا اللي علي مزاجهم في المكان اللي هما عايزينه ومحدش بيقولوهم تلت التلاته كام واي واحد يجي يتكلم تلاقي كل الناس اللطاف اللي بيطلعو علي التلفزيون دول يقولو لك ايه لاء الجيش خط احمر -الجيش خط الدفاع الاخير -الخ وعلي فكره انا مش بقول كده علشان اهيج حد علي المجلس العسكري انا بقول كدا علشان نفسي المجلس العسكري يقدر الشعب المصري صح كـــــــــــــــــــــــــــــــــفــــــــــــــــــــــــــــــــــايه كدا بقي نفسي نبقي زي بقيت مخاليق ربنا انا مش عارف في ايه ده احنا من يوم ما طل علينا السيد عمر سليمان بقرار التنحي واحنا قعدين نخد كل خبطه علي دمغنا والمشكله انا كل اللي بيحصل ده يشجع المجلس انو يقعد ازيد وهوا لو قعد يبقي علي مصر السلام ده انته علي مشيت حسني مبارك كانت الخوازيق ملت الدنيا وحلا لميتين ام كاميليا تسلم الوقتي وبعدين يطلع احباب الله السلفيين يقولولك ايه انا عايز اختي ويطلع يعمل مظاهرات علشان اختي كاميليا انما لما طلع الناس علشان تمشي حسني مبارك قالو لك ايه بقي المظاهرات حرااااااااااااام وقعدوا يغنوا علي ميتين امنا ويطوعا كلام ربنا لمصلحتهم في كل المواقف سواء في غزوه الصناديق ولا غيره وبعد تيجي الحاجه عبير ويدوب يموت كام واحد ويسجن كام واحد كل ده علشان عبير بالرغم مش شايف ان عبير بالذات ما غلطتش في حاجه بس كان حظها فقر المهم نخلص من عبير نسمع عن كريستين بتاعت المنيا بس الحمد لله الموضوع يتلم قبل ما الواحد يجيلو سكته قلبيه وبعدين نخلص يطلع الاخوان يقولك الثوره بتنقلب علي الديموقراطيه والاستفتاء علشان مش علي مزاجهم الكلام ويجي الاستاذ البلتاجي يقولك احنا مش هنشارك في مظاهرات فئويه تخدم لخدمه اجندات قوي سياسيه علشان مليونيه 27 مايو مكنتش علي مزاجهم (الاخوان بيقولو اجنده)وبعدها يطلع الاستاذ صبحي صالح يقول الفلوطه اللي لعبت معاه وعايز يتجوز من برا اخوان ان ده بيأخر النصر--النصر علي مين مش فاهم --وبعدين يقولك العلمانيون الملحدون الكفرا-- ويهين الامه الاسلاميه كله ويقول ان لولا حسن البنا كان الاسلام الله يرحمه--- وطبعا بصفته فرض من الاخوان فهو طبيعي بيعرف يتفلسف علي امنا ويقوم مغير الموضوع وخلاص
بصراحه كدا انا حاسس ان الثوره دي مشيا معوجعها وشكلها كدا هتقع من علي الطريق طول ما فيها مجلس عسكري واخوان وسلفيين ----فانا هقول للمجلس العسكري والاخوان والسلفيين خدوا بالكو من تصرفاتكو واكراما للناس اللي ماتت في الثوره دي احنا مش هنسمح لحد يضيع مننا ثورتنا فيريت تمشوا علي الطريق المستقيم ان لم يكن احتراما للشعب المصري فليكن ذلك حتي يذكركم التاريخ بشكل ايجابي فالتكريم المعنوي الذي قد يصل الي اجيالكم من بعدكم اعظم من اي طمع في منصب او مال او غيره أخيرا اقول لكم
اتقوا الله في مصر ليس اكثر من هذا
صديقى العزيز:اسلوبك جميل، وبتوصل اللى انت عايزة ..نصيحة انت كاتب الموضوع جملة واحدة وده ما ينفعش.... فبه نقطة فيه فاصلة فية من اول السطر عشان تريح القارى.. او وانت بتقرا الموضوع الوقفات اعملها نقط ...تحياتى
ردحذفانا بشكرك جدا يا عم أحمد وفعلا والله العظيم ردك ده شرف كبير جدا انا بفتخر بيه وانا اكيد هحاول انفذ الحاجات اللي انته قولتلي عليه دي تاني وشكرا
ردحذف