الثوار ئلالات الأدب

بسم الله الرحمن الرحيم

توضيح بسيط بس في الأول قبل ما أي حد يفهمني غلط ....

انا مع الثوره من الالف للياء ومؤمن كل الايمان بالثوره وليس لي علاقه بأي حزب أو حركه سياسه أو أي شئ من ذلك أنا آخري جمعيه رساله ....

دلوقتي أنا هحكي علي محادثه لطيفه حدثت بيني وبين شخص علي توتير

 طبعا قرائتو المحادثه للطيفه

أولا انا بعتذر علي أن رديت بطريقه مستفزه في الأول

وبعتذر تاني علشان لما هو غلط فيا أنا رديت عليه بغلط برده ...

بس أنا عاوز أشرح وجهه نظري أولا اللي علي ما يبدو ان الاستاذ فهمها غلط هوه الاستاذ  بيقول في مقابر جماعيه انا كل اللي قولته متقولش كده الا لو كان عندك دليل والباقي سيادتكم شيفينه هو طبعا الاستاذ  افتكرني أكيد من (الفلول)أو من جماعه(عايشين لنأكل وننام) أنا حابب أقوله ده مش صحيح وانا مش عاجبني الوضع اللي بقت مصر فيه دلوقتي من بعد ما المجلس العسكري مسك الحكم خالص وسيادته لو قراء التدوينتن الحزينتين اللي انا كتبهم قبل التدوينه دي هيكتشف كدا بس احقاقا للحق مش دفاعا عن المجلس العسكري مينفعش واحد يطلع يقول في مقابر جماعيه والكلام الصعب ده اللي ممكن يهز أمه بأكملها لو عند سيادته دليل علي كلامه فأنا هكون أول من يقف وراه ويساعده في نشر مثل هذا الخبر أن كان حقيقتة ولكن لا يصح أن أقول أني حاسس أن في مقابر جماعيه وشئ فظيع مثل هذا كدا وخلاص ....

دلوقتي بالنسه لجزئيه الثوار ئلالات الأدب فقد لاحظت أن معظم مستخدمين توتير الثورين فهم ئلالات الادب وبيحب دي وهوا بيحكي عن أي حاجه أن يشتمله شتمتين في النص طبعا كل واحد وراحته احنا المفروض في عصر ديموقراطيه بس أنا مشكلتي فعلا أن انا بحس أنا كل الناس اللي بتتكلم عن الثوره وحاله الثوره غاضبين جدا ولهم كل الحق ومدمنين خناق مع بعض علي توتير وبراحتهم طبعا ومش فاعلين خالص وبتاتا البته في الحياه العمليه ولا يدرون بالحياه من حواليهم خالص خالص خالص وأنا بصفتي غير قادر علي التأثير في الحياه الثوريه بشكل أفضل علي عكس الكثير من أتبعهم علي توتير بحكم أن أنا من مدينه بينها وبين القاهره حوالي 200 كيلو وبحكم ن أنا عايش في وسط المعمه الحقيقه في وسط ناس أحياء أموات لم تكن الثوره علي هواهم ولا تفرق معاهم ولا تهمهم بحكم أن مفيش منفعه من وراها ليهم في الوقت الحالي  وبحكم أنهما مش بيعجبهم أن في واحد عنده 20/30 سنه يطلع يتكلم في التلفزيون في السياسه والحكم وبيقول أن هيا عيلت أن بتكلم بكل صراحه وعلي فكره ده مش رائئ ولكن رأي معظم المحيطين بي وأحب أعرفكم حاجه أن أنا بشتبه في أمي أن هيا من الفلول وبحكم دماغه اللي مش عاجبه الثوره ولا اللي عملو الثوره ...

فأنا بصراحه حابب أقول انا لو الثوره ما أكتملتش هتبقي بسببكو أنتو الثوار المؤثرين في مجريات الامور لانكم عايشين في وادي خاص بيكم ولستم مترابطين بالعالم الواقعي وتظنون أنكم مثال الشعب الذي يدعو اللي فخر حيث أن رئيس وزارء مش عارف دوله ايه بيقول عايزين نعلم الثوره المصريه لاولادنا ورئيس مش عارف ايه بيقول يجب أن نربي اولادنا ليصبحوا مثل الشباب المصري ولكنكم استمتعتم بالاعتصام في الميدان لمده 18 يوم وبمجرد خرجوكم من الميدان رجعتم الي العالم الافتراضي بكل قوتكم حيث تتوافق أفكاركم ولا يجادلكم أحد وتقريبا كل اللي علي توتير تفكيرهم علي منوال واحد وأنا من ضمنهم بس المشكله أنكم أساسا غير قابلين للتحدث والجدال واقناع الاخرين الغير متوافقه أفكارهم معكم بطريقه لطيفه تجبرهم علي احتراكم فأنتم ثوار فاشلين لان انته يا ثورجي يا اللي نمت علي الاسلفت 18 يوم لما بيجي واحد يكلمك والكلام مش علي هواك أول رد ليك بيبقي (ارحمونا)(ينعل أبو أشكالكو) (بلاش أغلط فيك) (هو لسه في بهايم زيكو ) علي عكس ناس كتير لما طلعت من الميدان طلعت اشتغلت واتوصلت مع الناس علشان تكسبهم في صفها علي عكس طبع الثوار بتوعنا الشطرين اللي ماشو أكبر ديكتاتور في العالم وهديكو مثال

الاخوان عاملو ايه من بعد الثوره --> قالو نعم في الاستفتاء وأقنعو الناس كلها بنعم وعملو حزب ومقرات وانتشرو في مصر كلها .

أعضاء الحزب الوطني المنحل --> دخلو في 11 حزب جديد شاغلين مع توفيق عكاشه ابن التيت الله ينور وعايزين اللي الشباب الماسوني اللي خرب مصر وولع في عربيات الشرلاطه يتحاكم وبيهدود بحرب أهليه لو تم اقصائهم لمده خمس سنين من الحياه السياسيه.

الثوار عملو ايه --> عمل ائتلافات وصفحات علي الفيس البوك وكل اما يطلع واحد يتكلم علي التلفزيون منهم يطلع دقنه طويله وشكله عكر ويقعد يزعق ويفتكر نفسه اللي ماجبتوش ولاده تقوم الناس العاديه اللي مش من النخبه زيكو يكرهو الثوار زياده .

من الاخر أيها الثوار أنتو محتاجين تحسين الاداء شويه علشان انتو بلطتو في الخط أهم حاجه عندكو دلوقتي تشتمو اي حد مش علي هواكو وتكرهو الناس فيكو اكتر وتقعدو علي فيس بوك وتوتير اكتر واكتر اللي انا عايز أقولك معلومه ان 95% من الشعب المصري متعرفش يعني ايه توتير ومن ال5% اللي سمعت عن توتير نصمهم مش بيخش علي توتير .

من الاخر بقي اخرجو من أم القوقعه اللي انتو عايشين فيها دي لأن ثوراتكو كل يوم تتسرق وبتتنسي وبيشتغل الطبل والزمر بتاع زمان للمجلس العسكري دلوقتي .

وفي آخر الكلام احب اقول كام نقطه بسط كدا علشان محدش يزعل مني أو يشتمني أما يقرأ التدوينه

أنا والله العظيم مش ضد الثوار ولا الثوره بتاتا بس أنا تدوينتي دي لأن أمور كتير مش عاجباني وبعدين أنا مش بعمم علي كل الناس .

وبالنسبه للأستاذ  فأنا بتاسفله تاني اذا أعتقد أنني ضد الشهداء فأنا لقيمه لي جنب الاشخاص التي ضحت من أجل مصر ولهم مني كل الاحترام والتقدير.....

وشكرااااااااا